Gourmet

Yummy Kushari – أحلى كشري

أمس كنت مرة مكتئبة ولا تسألوني ليش تعبانة و منقلب راسي وكل شي .. المهم إني قاومت الموضوع و قررت أسوي كشري!

والله طلع حلو ! الصراحة الوصفة أخذتها من هلول لا خلا ولا عدم يارب .. صحيح صلصلة الطماطم طلعت شوي، بس الطعم لذيذ بشهادة أمي و أختي ولله الحمد ..

اللي يحب الكشري لازم يجربها .. الوصفة كالآتي

المقادير:
1 كوب عدس بني
2 كوب رز مصري
150 غرام مكرونة خواتم
7 طماطم متوسطة الحجم – أنا حطيت 5 صغيرة الحجم و صارت الصلصة شوية
2 فص ثوم
1 بصلة
1 قرن فلفل أخضر
ملح و فلفل
كمون
كزبرة ناشفة

الطريقة:
1- نحط العدس في موية مغلية على نار هادية لمدة 25 دقيقة.
2- نفرم الطماطم و الثوم  بعدين نحطها في قدر فيه شوية زيت نباتي و نبهرها بالملح والفلفل والكمون والكزبرة و نرمي فيها قرن الفلفل بدون ما نقطعه. نغطيها و نخليها تطبخ لمدة  35 دقيقة  على نار متوسطة( نطل عليها كل شوي ونحركها و لما تخف مويتها نزيدها شوية مويه حارة).
2- نغمر الرز بالمويه الساخنة و نسلقه لمدة 15 دقيقة لحد ما تصير الحبة طرية بس مو لينة مرة.
3- نسلق المكرونة لمدة 9 دقايق في موية مغلية.
4- نقطع بصلة (طرنشات على قول هلا) يعني قطع نحيفة و طويلة و نقليها في زيت نباتي مع ملح وفلفل لحد ما يصير لونها بني غامق.
5- بعد ما نصفي الرز و العدس و المكرونة. نحط الرز في صحن تقديم و نضيف فوقه المكرونة و فوقها العدس و فوقها صلصلة الطماطم و فوقها البصل المقلقل

وخلصنا

😀 😀

مقالات ذات صلة

‫3 تعليقات

  1. لا يالولو .. وأنا أقول ليه هي هالمره دقيقه ليه تسأل بالضبط عن أعداد كل شي .. ما دريت إنك تبين تكتبينها .. بس تراك نسيتي الخل بالثوم ,, هذا سلمك الله نحط في برطمان شوية خل مع مويه مع كمون مع فلفل وملح وثوم مفروم فرم ناعم ونخطها مره بالبرطمان وهذي بجنب صحن الكشري وعند التقديم نرش ملعقه عشان الطعم.
    وتسلم الايادي يالولو

  2. صدق ترا ما حطيتي التاليه على الصوس الأحمر في النهاية .. واللي حكيت عنها في ردي الأول مو اسمها تأليه اسمها كمونيه 🙂 اللي بالخل والكمون ونحطها عند التقديم

اترك تعليقاً

لن يتم نشر عنوان بريدك الإلكتروني.